2021年09月25日 星期六 05:22

勞工局提醒建築業春節假期前後注意施工安全

2021-02-06

微信图片_20210206093222.png


   就黎過年啦~作為一個專業嘅打工仔,最開心就梗係可以開開心心同屋企人食團年飯!

 

  不過,年尾真係特別多野趕架!小編依家嘅心情同大家一樣,期待住收爐嘅一刻,但依家又俾總編追緊稿~~(淚奔)

微信图片_20210206093230.png



  而小編知道,春節假期前後亦係建築業最忙碌嘅日子,大家趕工等收爐之餘,都唔可以掉以輕心,忽略工作安全!所以,小編喺打卡收爐之前,都要提提建築業界嘅各位巴打做埋呢幾步:

微信图片_20210206093236.png


  • 打卡前第一檢:確保起重機械(如天秤、流動式起重機及吊重升降機等)及裝置(如吊鏈、吊索及吊鈎等)處於安全狀態;

微信图片_20210206093222.png


  • 打卡前第二檢:檢查棚架或挖掘坑道以確保其處於穩定及安全狀況,如假期前未能完成改善工序,並且情況不會造成即時危險,則須設置適當圍封及警告牌,防止其他人士進入;

微信图片_20210206093244.png


  • 打卡前第三檢:確保電焊關閉電源及除下電插頭;關上氣焊風煤樽,並除下所有氣喉,將其存放於安全地方;而工作地點須收拾妥當,切勿留下火種;


微信图片_20210206093247.png

  • 打卡前第四檢:檢查棚架和工作平台等是否穩固或處於安全狀態。因為在節假日期間,工地的環境可能已受天氣或其他因素的影響而產生了變化,例如竹棚可能會受多雨天氣影響致使結構受損而潛在危險。


  最後提埋大家,喺假期後重返工作,都須由具資格人員對起重機械、吊重設備、棚架、工作平台同挖掘工程嘅工作進行檢查,確保喺安全狀態下,先可以恢復工作。

 

  總之,不論工地嘅承造商、負責人、安全管理人員定係工友們!喺假期前後,都記得要注意安全啦!

 

  稿已交~小編宣佈收爐Lu~~各位Fans年見~~


微信图片_20210206093250.png